Ginhatagan sang pagkilala kahapon sa Provincial Police Headquarters ang mga city and municipal police stations nga makabig nga ‘MOST COMPLIANT’.
Sa bahin sang city police stations, ginkilala bilang Most Compliant ang (1) San Carlos PNP, (2) ikaduwa ang Sipalay PNP samtang (3) ikatatlo ang Victorias PNP.
Sa municipal police stations, Most Compliant ang (1) E.B. Magalona PNP, ginsundan sang (2) Pulupandan PNP samtang (3) ikatatlo ang Valladolid PNP.
Nangin dinapit nga bisita si National Police Commission (NAPOLCOM) Regional Director Atty. Joseph Celis angot sa Annual Inspection, Audit and Monitoring 2019 sa Negros Occidental Police Provincial Office (NOCPPO).
Gin-remind naman ni Atty. Celis ang mga kapulisan ilabi na ang mga bag-uhan nga pulis nga dapat mag-saludo gid (salute) sa mga opisyal nga may mataas nga ranggo bilang senyales naman sang ila pag-respeto.
Na-notisyahan ni Celis nga tuman ka ‘relax’ ang iban nga mga police officers kag naga-kalipatan na ang pag-respeto sa ila mga senior officials.
