San Pedro PNP aduna nay person of interest sa pagpusil patay sa 20 anyos

69
Davao City – Gitutukan karon sa San Pedro Police Station ang person of interest o suspect nga mipusil patay sa 20 anyos nga ulitawo sulod sa internet café sa Purok 9, Balite, San Rafael, Barangay 9-A, Davao City niadtong Lunes sa gabii (Mayo 16, 2022).

Gibutyag ni Police Major Benkalin Baluan, San Pedro Police Station Chief sa interbyu sa DXDC RMN Davao, personal grudge ang gilantaw nga motibo sa pagpatay kang C-Jay Alegado residente sa nasangpit nga lugar human nakahiagom og mga samad pinusilan sa ulo ug liog ang biktima. Gibutyag ni Baluan, aduna nay nakuhang mga reports ang kapulisan sa pagkalambigit sa biktima sa mga krimen.

“Ang record ani atong minor pa siya. Sa barangay notado siya nga maldito, pasaway… Katong minatay isa to sa kawatan diha sa area nato, iyang amahan na mismo ang nag-confirm tapos nagadula pod to siya og drugs although dili diri naga deal sa atong area naa to’y nadakpan nato sa silingan nila, pagdakop ato nilayas siya kay murag napasanginlan ata. Basta naay mga anggulo ana nga atong gina tan-aw ron so on-going pa gihapon atong investigation,” matud ni Baluan

Narekober sa crime scene ang tulo ka mga basiyo sa .45 kalibreng pistola, samtang kasong murder ang ipasaka batok sa suspetsado.

RadyoMaN Aimee Guinita

Facebook Comments