Sang contra Chester

El gefe del Ayala Police Station nohay idea si porque quierre el Consejal Sang Jimenez que quita conele na mencionao estacion seguiendo con el muerte del dos jovensito quien ya desgracia despues estos ya ibita con el checkpoint del pulis.
Asegun con Natividad sit a mira si Jimenez tiene le cosa camali ta comete como el official del pulis del Estacion 9, abierto le para oyi con Jimenez na un dialogo.
Este ya bene despues si Jimenez ya expresa su disgust con el trabajo di Natividad quien asegun ta comete ya abuso na su poder.
Uno amo el muerte del dos maga menor de edad quien tiene traffic violation ya pasa na checkpoint perro noahy estos para y envez ya lleva entabla con el maga pulis muntando con el diila motorsiclo.
Asegun con Jimenez ya hace apas el maga pulis hasta ya hace bien corre estos diila motorsiclo hasta ya accidneta na calsada.
Perro asegun con Natividad despues nohay para na checkpoint el dos jovensito nohay sila hace apas hasta sila lang mismo ya man overshoot 500 metro adelante hasta ya tumba diila motor y ya tupa diila cabesa na duru cosas.
Asegun con Natividad ta implementa lang sila con el maga leyes para el bien del public y nohay abuso el ta sosede.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments