Lezo, Aklan – Patay rong sang dag-on nga unga matapos nga bumaliskad rong ginasakyang tricycle nandang mag-ina kahapon it hapon sa Brgy. Bogasongan, Lezo, Aklan.
Sakay it tricycle rong unga kaibahan ro anang ina nga si Nishie Santos, 27-anyos ag residente it Poblacion, Lezo, Aklan.
Suno kay PO1 Santiago it Lezo PNP, naga guwa sa andang imbestigasyon nga ginbutang it driver ko tricycle nga si Bobe Sta Maria, 52-anyos ro anang jacket sa prente nga parte it tricycle bangud nga mainit ugaling samtang nagabiyahe sanda hay nahueog rong jacket ag nagbueambod sa kariton rason nga bumalintong raya pag abot sa may Brgy. Bogasongan.
Nasayuran nga paadto kunta it airport ro mag-ina para nga magpa Manila agod bisitahon ro anang asawa nga naga trabaho idto.
Nahadaea pa rong unga sa Aklan Provincial Hospital pero ginbawian man raya it kabuhi samtang ginabueong bnagud sa naangkon nga lastro.
Nasayuran man nga naga isaeanhon pa eang nga unga it mag-asawa rng baby.
Uwa man plano nga magpasaka it kaso rong pamilya it unga kuntra sa tricycle driver.
