Sangguniang Panlalawigan ginhatagan sang authority si Governor Fuentes nga makapirma sang MOA sa DOH Central Office may kahilabtanan sa regional hospital.

Ginhatagan na sang authority sang mga katapo sang Sangguniang Panlalawigan si South Cotabato Governor Daisy Avance Fuentes nga magpirma sang memorandum of agreement ang provincial government sa Department of Health – Central Office kabahin sang transition period sang re-integration sang Upper Valley Community Hospital bilang regional hospital.

Ini matapos nga aprobahan nila suno kay Board Member Ellen Grace Subere Albios, Chairperson sang Committee on Health sang Sangguniang Panlalawigan ang ordinansa angot dire sa ginpatigayon nila nga regular session sang Lunes nga adlaw.

Suno kay Albios nabutang sa nasambit nga MOA ang padayon nga pagsupervise sang provincial government sa regional hospital tubtob nga maturn-over ini sa DOH.


Kabahin man sang transition period istoryahan kon ano ang share sang provincial government kag DOH sa improvement and facilities kag personnel sang hospital.

Target naman nga magpirmahanay sang MOA si Governor Fuentes kag DOH Central Office subong nga semana.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments