Magapatigayon sang special session bwas nga adlaw ang mga katapo sang Sangguniang Panlalawigan agud nga talakayon ang angot sa Provincial ID Tracking System nga nabalhag sa executive order ni Governor Reynaldo Tamayo Jr.
Suno kay South Cotabato Vice Governor Vicenti de Jesus luyag nila nga klaruhon ang isyu sa nasambit nga kamanduan sang gobernador matapos nga madamo na suno pa nga mga alkalde kag mga barangay opisyal ang nagareklamo sa ginapatigayon nga rapid household survey para sa contact tracing sa coronavirus disease ukon COVID-19.
Ginhatagan pa punto sang bise gobernador nga tungod ginarequire ang mga establishemento nga ipatuman ang nasambit contact tracing system ini ang polisiya na kag ang policy making body amo ang Sanggunian.
Ginpahayag ni De Jesus nga ipatawag nila ang mga IT sang provincial government, mga mayors, chamber of commerce, representative sang mga barangay opisyal, DILG kag iban pa para sa kaklaruhan sang nasambit nga isyu.
Samtang magadepende naman suno pa sa mangin resulta sang ipatigayon nga special session ang mangin aksyon nila sa Sangguniang Panlalawigan.
