Sangka SB Member it Banga gina imbestigahan matapos magsueang it anang kapamilya sa syudad it Iloilo sa kasagsagan it Enhance Community Quarantine gamit rong ambulansya it banwa

11

Kalibo, Aklan — Padayon makaron nga gina imbestigahan rong sangka SB member it banwang Banga matapos nga masayuran nga gingamit na ro ambulansya it nasambit nga banwa para nga sueangon ro anang lima ka miyembro it pamilya halin sa syudad it Iloilo.
Nasayuran nga ro nasambit nga SB Member hay uwa magkoordinar sa andang Municipal Mayor sa nasambit nga ginhimo na nga tikang.
Dugang pa nga ro andang Municipal Mayor hay naka home quarantine bangud nga halin raya Metro Manila sa pag atender it Mayors League.
Matandaan nga ginpaidaeom rong probinsya it Aklan sa Enhance Community Quarantine pinaagi sa Executive Order No. 20 ni Aklan Governor Florencio Miraflores para nga malikawan ro pag-eapta it coronavirus disease ukon COVID-19 sa probinsya.
Nasayuran man nga rong syudad ag probinsya it Iloilo hay naka rekord it daywa ka mga covid-19 cases.
Posible man nga magapangatubang it nagakaigo nga kaso ro nasambit nga SB Member kamana man rong driver it ambulansya.

Facebook Comments