SAP 2nd tranche: Kapin 3K benepisyaryo natala sa Brgy. Pampanga

160

Davao City – 3,300 ka pamilya sa Brgy. Pampanga, Lanang syudad sa Davao ang naghulat sa cash assistance ilawom sa Social Amelioration Program (SAP) alang sa 2nd Tranche.

Sumala ni Brgy. Pampanga Kapitan Contancio Tiongco atol sa interview sa DXDC RMN Davao, 2,278 ka benepisyaryo sa SAP ang gitagan-an sa iyang Barangay sa Department of Social Welfare Development (DSWD-XI).


Gidugang ni Kapitan Tiongco nga kapin 1,000 ang nadungag nga benepisyaryo sa SAP human na-qualify sa survey sa DSWD.

Sa karon gihulat pa ang schedule sa pay-out sa maong hinabang pinansyal.

Nagpasalamat si Kapitan Tiongco sa mga residente sa iyang Barangay nga mituman sa health protocols.

“Akong gipasalamatan ang katawhan sa Brgy. Pampanga sa pagsuporta sa nahitabo nga ECG,GCQ unya karon MGCQ na ta pasalamatan nato sila nga nagsuporta pod sila hangtod karon wala pami case sa (COVID-19),” segun ni Kap Tiongco.

RadyoMaN Don Pulayao




Facebook Comments