SAP 2nd tranche payout: Physical distancing gi-monitor

43

Davao City – Gipaniguro karon sa Department of Social Welfare and Development Office (DSWD) 11 nga gina obserbar sa SAP beneficiaries ang physical distancing sa pagkuha sa ilang subsidiya.

Kini atol sa interbyu sa DXDC RMN Davao kang DSWD-XI Assistant Regional Director Merlinda Paragamac subay sa mga migula karon nga hulagway sa social media nga matud pa digkit nga naglinya ang mga naasoy.


“This is a coordinated activity with PNP so naa sila sa kanunay nag roving aron mabantayan (ang physical distancing). Naa pod ang Public Safety, ang mismong lokal nga panggamhanan sa Davao pinaagi sa CSWDO . This is an inter-agency commitment nga ang tanan requisites sa paghatag niining subsidiya including OCD and DILG,” segun ni Paragamac.

Gi-angkon sa DSWD-XI ARD nga gi-anticipate na nila ang mga reklamo sanglit nabag-uhan usab sila mismo sa gipatumang digital payment apan giseguro nga anaa ang presensya sa mga social workers nga mutabang sa mga benepisyaryo ilabi na sa lebel sa barangay.

Samtang gibutyag ni Paragamac nga nagsugod na niadtong August 5, 2020 ang paghatag og reference numbers sa SAP 2nd tranche beneficiaries diin ang uban naka-withdraw na sa nagkadaiyang payment centers.

“Mapasalamaton kita sa pagka-disiplinado kaayo nga mga Dabawenyo sa pag mentinar sa physical distancing sa pag withdraw sa subsidiya,” dugang ni Paragamac.




RadyoMaN Jason Amisola

Facebook Comments