Davao City – Gikumpirma ni Davao City Mayor Sara Duterte-Carpio nga adunay mga nag-positibo sa COVID-19 sa mga Locally-Stranded Individuals (LSIs) nga miabot sa Davao City Overland Transport Terminal (DCOTT).
Matud sa alkalde nga sa duha ka adlaw’ng pag-abot sa DCOTT sa 166 ka mga LSIs human gipailawom sa swab testing ang nahisgutan, kinse (15) kanila ang nagpositibo.
“Duha ka adlaw nangabot, 166 kabuok (LSIs) gi-swab all nato then nakakuha ta’g 15 kabuok (positive) out of 166 kabuok,” butyag sa alkalde.
Gibutyag sa opisyal, usa sa mga rason nganong paspas ang Coronavirus Disease 2019 (COVID-19) transmission ug pagtaas sa kaso sa syudad mao ang mga nagpositibong LSIs ug Overseas Filipino Workers (OFWs) nga miabot sa dakbayan sa Davao.
RadyoMaN Kirby Manzon
