Sara: City-wide lockdown ‘fake news’

29

Davao City – Gibarugan sa City Government of Davao nga dili tinuod ang mikatag sa social media labot sa pag lockdown sa entero syudad sa Davao sugod October 29 hangtud November 4, 2020 gumikan sa sitwasyon sa COVID-19.

Gitino ni Davao City Mayor Sara Duterte-Carpio nga walay plano ang lokal nga gobyerno nga magbaton og city-wide lockdown ug kung aduna may ipatuman nga measures ug protocols batok Coronavirus Disease 2019 (COVID-19), magpagawas kini og prior advisory ug pormal nga anunsyo ang City Government una kini ipatuman.


“Dili na tinuod ang mga nagtuyok-tuyok na mga information about a city-wide lockdown. Walay move ang City Government (of Davao) about sa ingon ana,” tataw sa Alkalde.

Gibutyag ni Mayor Sara nga gipaabot na sa Davao City Police Office (DCPO) ang insidente aron nga ma-imbestigahan sa cyber patrollers policemen aron masuta kung kinsa ang nagpasiugda ug nagapakatag sa maong sayop nga impormasyon.

Padayon nga nanawagan si Duterte-Carpio nga seguraduhong naggikan sa official social media account sa concerned agencies, ang gina-share nga inpormasyon ug kinahanglang ma-verify una kini aron dili makapakatag og ‘fake news’ nga mohatud og panic sa publiko.

RadyoMaN Kirby Manzon




Facebook Comments