Davao City – Gi-identify na sa City Government of Davao ang mga areas sa dakbayan asa pwedeng ibutang ang mga facemask ug faceshield nga libreng ipanghatag sa nanginahanglang Davaoeños.
Gibutyag ni Davao City Mayor Sara Duterte-Carpio nga kini nga areas mao ang City Poblacion A & B (Metro Circle sa Magsaysay Park, Talomo (District Hall), Talomo (Baliok), Agdao District Hall, Buhangin A (Ground Floor sa Buhangin Proper District Hall), Buhangin B (Sasa Brgy. Hall), Bunawan District Hall, Paquibato (Lasang Brgy. Hall), Toril District Hall, Tugbok District Hall, Calinan District Hall, Baguio District Hall, ug sa Lumondao District Hall sa Marilog.
“Bag-o lang ni siya na-finalize kung asa ug kinsa ang mga tao who will be in charge ani nga mga gamit. Sa karon, wala pa na-deliver ang materials,” segun sa Alkalde.
Gitataw sa Mayor nga libre ug wala nay gikinahanglang rekisitos sa pag-avail sa maong face mask ug face shield, diin kini usa sa mga kampanya sa lokal nga gobyerno aron malikayan ang makatakod nga Coronavirus Disease 2019 (COVID-19).
RadyoMaN Kirby Manzon
