Sara: Mga simbahan, eskwelahan, ug gym posibleng gamiton sa COVID vaccination program

52

Davao City – Aduna nay guide ang City Government of Davao gikan sa Department of Health (DOH) labot sa lugar sa vaccination partikular na sa mga indibidwal nga prayoridad sa unang vaccine nga muabot.

Matud ni Davao City Mayor Sara Duterte-Carpio, didto sa hospital bakunahan ang mga health care works, frontliners ug mga edaran.


Samtang, gina-plastar pa karon kung asa usab bakunahan ang gikonsiderang low-risk sa Coronavirus Disease 2019 (COVID-19).

“There is a guide gikan sa DOH nga kadtong mga health care workers who are already inside the hospital, kadtong mga frontliners, didto na sila sa hospital (bakunahan) because convenient na kay naa na sila didto. Also, kadtong mga high-risk, atoang mga elderly, dinha sila sa mga hospital,” segun sa Alkalde.

Samtang, giapil ni Mayor Sara sa listahan ang simbahang Katoliko sa mga pasilidad alang sa vaccination program human kini gitanyag ni Catholic Bishops Conference of the Philippines (CBCP) Archbishop Romulo Valles.

Lakip usab nga gikonsidera ang pagbakuna sulod sa usa ka eskwelahan ug gymnasium.




Nasayran nga gipangandaman na sa lokal nga gobyerno ang pag-abot sa bakuna gikan sa national government karong bulana apan wala pay eksaktong petsa ug kung unsa nga bakuna ang muabot sa syudad sa Davao.

RadyoMaN Kirby Manzon

Facebook Comments