Sara: Motor barrier magpabilin

42

Davao City – Giklaro ni Davao City Mayor Sara Duterte-Carpio nga kinahanglan nga magbaton og barrier ang motorsiklo kung adunay backrider ug dili na basehan pa kung unsa ang relasyon sa drayber ug angkas niini.

Matud sa Alkalde, ang importante lamang mao ang pagbaton og barrier isip proteksyon batok sa COVID-19 aron dili na mamahimong hasol ang pag-validate sa mga tao nga walay barrier kung tinuod ba nga sila nagpuyo sa usa ka balay.


“Bisan pa man og unsa inyong relationship, importante ang barrier. That way, dili na ta mag-check unsa ang relationship sa mga tao,” tataw sa alkalde.

Gipasabot sa Mayor nga ang pinaka-ulahing gipagawas nga order sa Department of Trasnsportation (DOTr) labot sa barrier alang lamang sa mga lugar ilawom sa Modified Enhanced Community Quarantine (MECQ) ug General Community Quarantine (GCQ).

Samtang sa mga lugar ilawom sa Modified GCQ, ang mga chief executives na ang mag desisyon kung unsa ang ipatumang palisiya labot sa motorcycle barrier.

RadyoMaN Kirby Manzon




Facebook Comments