Sara nag warning vs substandard items

Davao City – Giawhag ni Davao City Mayor Inday Sara Duterte-Carpio ang mga konsumante nga maniguro nga dili peke o substandard nga mga electric appliances ang pamaliton.

Human kini nga ubay-ubay na sa mga nahitabong sunog sa syudad tungod sa mga giingong mga baratuhong mga kagamitan.

“Dako ang mawala sa ilaha kung masunugan sila tungod kay nipalit sila og peke or baratuhon as compared to mag-invest sila og maayong butang and then walay mahitabo sa ilahang gamit or simbako naay mamatay tungod sa sunog,” matud sa alkalde.


Matud sa alkalde nga sagad sa mga taong gatipid mas piliong mupalit og mga walay kalidad nga mga electrical materials.

“That is why I advocate and partnered with a private company to campaign for people to buy kanang correct standard materials and dili kanang mga fake o cheap of quality,” sumala niini.

Samtang gibutyag sa mayor nga gipa-fast track na niini ang pag-atiman sa mga financial assistance alang sa mga nasunugan sa tulo ka mga barangays sa syudad.

Gikatakdang karong semana i-release ang pinansyal nga ayudad sa mga apektado sa sunog.

Nag-apod apod na og mga non-perishable items ang lokal nga panggamhanan sama sa mga banig, habol, mosketero, balde ug mga kabo ug nagpadayon usab ang paghatag og pagkaon sa mga biktima pinaagi sa 24 oras nga Kusina ng Bayan.

RadyoMaN Aimee Guinita

rags: DXDC 621 RMN Davao

Facebook Comments