Sara nagpasidaan vs ‘heat stroke’ sa Parada Davaoeño

Davao City – Gi-abisuhan ni Davao City Mayor Inday Sara Duterte-Carpio ang mga ginikanan nga kung mamahimo dili nalang magdala og mga gagmayng bata ug mga senior citizens gi-discourage usab nga musalmot atol sa Parada Davaoeño karong Sabado.

Gipasabot sa alkalde nga kini aron makalikay sa heat stroke ug uban pang mga balatiang makuha sa sobra kainit sa panahon.

“Aduna tay reminder because gitan-aw namo ang weather on Saturday and medyo init gyod kaayo. So, gina-discourage na namo ang pagdala sa mga babies ug mga senior citizens nga medyo hinay ta, tigulang na because these are the people na vulnerable sa heat stroke, vulnerable nga matakdan og mga sakit,” matud sa alkalde.


Gibutyag sa mayor nga nagmuntar sila og mga water stations sa mga strategic locations atol sa parada para kini sa katawhan aron magpabiling hydrated samtang muduyog sa aktidad.

“Mag-pick sila og area nga medyo landong para mutan-aw sa parada so nag-request mi sa mga tao nga dili kaayo magpainit kay medyo harsh ang weather karong Sabado,” sumala niini.

Gipahimangnuan usab niini ang katawhan nga magdala’g paypay, payong ug mga ilisang sanina.

Gibutyag sa alkalde nga adunay 50 ka mga lechong baka ang saluhan atol sa libre nga paniudto sa C.M. Recto Avenue.

RadyoMaN Aimee Guinita

Facebook Comments