Sara: Politika nahisgutan sa Marcoses visit sa Davao

Davao City – Gikumpirma ni Davao City Mayor Sara Duterte-Carpio nga adunay panaghisgot labot sa politika sa pagbisita ni kanhi Senador Bongbong Marcos ug Senador Imee Marcos sa Davao City.

Matud ni Mayor Sara (sa interbyu sa city-owned radio) nga nahitabo ang ilahang pagbisita niadtong Sabado (May 29, 2021) diin gawas sa paghatag sa ilang personal birthday greetings aduna usay panaghisgot sa pulitika nga nahitabo.

“Nagnaug sila diri (Bongbong and Sen. Imee Marcos) and naghatag sila sa ilang personal greetings and well wishes for my birthday. Of course, kung magtapok ang mga politicians, politicians talk about politics. Expected na gyod na. Wala kay makit-an nga nagtapok nga politiko nga dili mag istorya og politika,” sulti sa alkalde.


Gipasabot ni Mayor Sara nga walay politikong magkita nga dili maghisgot labot sa politika.

Hinuon wala na gibutyag sa alkalde ang ilang nahisgutan diin suspetsa sa netizen nga kini may kalabutan sa 2022 elections.

Gipasalamatan usab ni Duterte-Carpio ang katawhan nga mipadayag sa ilang mga patimbaya alang sa iyang pagsaulog sa iyang adlawng natawhan kagahapong adlawa (Mayo 31, 2021).

RadyoMaN Kirby Manzon

Facebook Comments