Sara: Priorities sa COVID-19 response wala nausab

23

Davao City – Gibutyag ni Davao City Mayor Sara Duterte-Carpio nga nagpadayon ang City Government of Davao sa pagpatuman sa health and safety protocols batok sa Coronavirus Disease 2019 (COVID-19) labi na nga padayon ang pagtaas sa kaso niini sa dakbayan.

Segun sa Alkalde, padayong ginasunod sa lokal nga panggamhanan ang mga direktiba gikan sa National Task Force (NTF) for COVID-19 diin ginahatagan og atensyon ang pag-test sa mga indibidwal nga kinahanglang ipailawom niini.


“Walay nagbag-o sa atong priorities (sa COVID-19 response). Gilatag na man na sa NTF ang national action plan. Mao gihapon na ang atong focus karon, to increase testing capacity, more people to be tested,” segun sa Mayor.

Gitataw ni Mayor Sara nga wala nagbinuang ang lokal nga gobyerno, tubag sa reklamong grabe ka istrikto ang syudad sa mga ginapatumang regulasyon, diin giangkon niini nga tinuod nga mas hugot ang implementasyon sa protocols sa dakbayan kung itandi sa ubang Local Government Units (LGUs).

RadyoMaN Kirby Manzon

Facebook Comments