Sara to ACT request: “We shall look into this”

36

Davao City – “We shall look into this.”

Kini mao ang unod sa mensahe nga gipadala ni Davao City Mayor Sara Duterte-Carpio may kalabutan sa hangyo sa mga magtutudlo dinhi sa dakbayan sa Davao nga dugang local allowance ug rice subsidy.

Sa mensahe niini pinaagi kang Councilor Pilar Braga, studyohan niini ang mga factors nga kinahanglan ikunsidera human niini nadawat ang maong hangyo ilabi na nga karong bulan sa Setyembre ginasaulog ang National Teachers Month.

Gani gikatakdang makigpulong ang mayor panahon nga makabalik na kini gikan sa nasud Israel aron masayod pa sa mga mulo sa magtutudlo.

Sumala ni Braga, isip Chairperson sa Committee on Education, Science and Technology, Art and Culture, risonable, lohikal ug angayan lang ang ginapangayo sa mga magtutudlo gumikan nasayod siya sa kaagi niini sanglit siya usab usa ka magtutudlo.

Tungod niini, mapasalamaton ang Alliance of Concerned Teachers (ACT-Davao Chapter) sa positibong tubag sa alkalde.

Dugang niini pipila usab ka mulo ang iduso sa ACT panahon sa panagtagbo niini sa mayor sama sa water dispenser, libreng wifi sa trabahuan ug lapel alang sa dakong populasyon sa estudyante.

Kahinumdoman nga kaniadtong Agosto nagpadala og sulat ang mga magtutudlo sa opisina ni Councilor Braga diin unod niini ang paghangyo sa mga magtutudlo nga magbuhat og City Ordinance bahin sa dugang P2,000 local monthly allowance ug P2,500 quarterly rice subsidy sa tanang personahe sa Department of Education (DEPED) nga mag gikan sa pondo sa lokal nga kagamhanan.

RadyoMaN Jason Amisola

Facebook Comments