Pagadian City – Nagpasalamat ang National Campaign Manager sa Hugpong ng Pagbabago nga si Davao City Mayor Sarah Duterte sa katawhan sa Zamboanga del Sur sa gipakita nga suporta mga botante sa Probinsya.
Sa facebook page sa anak sa presidente gipatik niini ang iyang dakong kalipay sa pagsuporta sa Zambusorian sa mga Senador nga ilalom sa bando sa HNP ug pagbulig usab sa mga kandidato sa Alayon Zamboanga kun team Yu.
Mahinumduman nga nisulod sa top 12 ang kadaghanan sa HNP nga nagpapili sa pagkasenador ug nag-una sa resulta sa Zamboanga del Sur si Bong Go nga gisundan ni Ronald dela Rosa.
Ning panahona padayon ang transmission sa mga Election Returnd dihang niabot na ang mga SD Cards nga gikan sa Regional Technical Hub sa Zamboanga City.
Sa 987 ka clustered precincts sa tibook probinsya 747 ang hingpit na nga na-transmit nga bugti ngadto sa 75.68 porsyento.
