Sarangani Governor Steve Solon-doblehon ang serbisyo sa katawhan sa Sarangani sa iyang ikatulong termino

5

Sarangani Province—Doblehon pa ni Sarangani Governor Steve Chiongbian Solon ang iyang pagserbisyo sa probinsya sa Sarangani dungan na usab sa subling pagpili kaniya sa katawhan sa bag-uhay lang nahuman nga piniliay niadtong Mayo 13.

Matud ni Governor Solon nga uban sa mga midaog nga opisyal sa probinsya ilang paningkamutan nga mahatag ang mga programa ug proyektong makatabang sa katawhan sa Sarangani kini bugti nausab sa pagsalig ngadto kanila.

Usa sa mga tutukan ni Gov. Solon ang pagpalambo pa sa serbisyo sa ilang provincial Hospital nga makaplagan sa Capitol Compound sa Probinsya; pagtukod sa Sports Complex sa probinsya; pagpalambo pa sa edukasyon sa mga kabataan ug ang pagpadayon sa God centered Prosperity sa probinsya ug daghan pang uban.

Samtang gibutyag usab ni Governor Solon nga dako gyud ang matabang sa lig-on nga partido sa ilang kandidatura.

Kung lig-on matud pa ang partido duna gyoy puruhan nga mudaog ang mga kandidato ilawom niini.

Samtang gibutyag sa gobernador nga karon nga human na ang election, balik na usab sa pagpanerbisyo ug iyang awhag sa tanang midagan nga wala nagmalampuson sa nakalabayng election, mag move on nalang ug suportahan ang mga midaug nga mga kandidato sa ilang pagserbisyo ngadto sa katawhan.

Facebook Comments