Sarangani Magdeklara Ug State Of Calamity Karong Semanaha

GENSAN – GIKATAKDA ng magdeklara ang Sangguniang Panlalawigan sa Sarangani ug state of calamity tungod sa epekto sa grabeng hulaw kon El Nino phenomenon.Human sa emergency meeting nga gipahigayon sa PDRRMC Sarangani, giduso dayon ang resolusyon sa pagka-deklara human nga nigawas sa datus sa Sarangani Provincial Agriculture Office nga anaa na sa P281 Milyon ka pesos ang balor sa nahimong pagkadaot sa agrikultura sa tibuok lima ka munisipyo.Kini mao ang Glan, Malapatan, Alabel, Malungon og Maasim. Nideklara na og state of calamity ang Glan, Alabel og Malungon og gilauman nga musunod ang Malapatan og Maasim. Samtang Kiamba og Maitum lang ang wala naapektuhan sa El Nino.Segun ni PDRRMC Action Officer Rene Punzalan, nakatakda matud pa ang ilang panagtigum sa mga munisipyo aron hisgutan ang mga sistema sa pagpanghatag og mga ayuda ngadto sa mga hilabihang naapektuhan nga mga mag-uuma apil na ang mga mananagat. Gikatakda usab, segun ni Punzalan, ang ilang pakigpulong sa Red Cross og Commission on Audit o COA aron masiguro ang direktiba ni Governor Steve Chiongbian Solon nga dili mahaluan og pamulitika ang pang-apud- apod sa mga hinabang. (INAH DAVEN DXMD RMN GENSAN MARCH 14)

Facebook Comments