Sarangani Province gipangandaman ang el niño

13

Sarangani Province—Gipangandaman sa probinsya sa Sarangani ang posibleng pag-igo sa El Niño phenomenon sugod karong bulan sa Marso pag-abri sa summer season. Segun ni Mr. Rene Punzalan, ang provincial disaster risk reduction and management officer, napirmahan na ni Governor Steve Chiongbian Solon ang El Niño Preparedness and Inter-agency Plan og gani anaa na sila karon sa execution stage aron makapangandam sa mga worst-case scenario, sama sa nahitabo atong tuig 2016.

Adunay bag-ong advisory ang PAG-ASA nga ang labing maapektuhan sa El Niño mao ang Western Mindanao sama sa Zamboanga Peninsula, og ang Luzon og Visayas area, maong may mga deklarasyon na sa state of calamity sa maong mga lugar. Apan dili gihapon matud pa magkumpyansa tungod kay agricultural province ang Sarangani.

Matud pa ni Punzalan, naga-monitor ang iyang buhatan katugbang ang Provincial Agriculture Office. Wala pay naka-report nga mga mag-uuma sa ilang mga barangay og municipal agriculture office apan naka-ready lang ang napulo (10) kabuok Ground Surface Water Pump pang-ayuda sa mga irigasyon. Anaa pud ang mga Water Container nga pwedeng kasudlan sa mainum nga tubig ngadto sa mga lugar nga makulangan sa suplay sa tubig.

Facebook Comments