*General Santos City— Nagpabiling hapsay ug malinawon ang tibuok probinsya sa Sarangani. Kini ang gibutyag ni Police Lt. Col. Teody Condesa, tigpamaba sa Sarangani Provincial Police Office.*
*Sumala niya nga sa karon nagpabiling kontrolado sa kapulisan ang sitwasyon sa probinsya yug walay mga dagkong panghitabo nga nakahatag ug epekto sa peace and order.*
*Apan dili matud pa malikayan ang mga isolated nga kaso sama sa nahitabong pagpusil-patay sa pulis nga nakadestino sa Kiamba Municipal Police Station.*
*Samtang gipaklaro ni Police Lt. Col. Condesa nga wala na sila’y na-monitor nga aktibidad sa armadong grupo sa probinsya hilabina na angg ikan sa han-ay sa rebeldeng new people’s army kon npa ug ansar al khilafa philippines kon akp.*
*Padayon matud pa ang ginahimong operasyon sa militar sa kabukran ug mga hilit nga lugar nga usa sa hinungdan nga dili maka-penetrate ug kasamok angbisan unsang armadong grupo.*
*Busa dako matud pa ang posibilidad nga nag-laylo una ang mga nahisgutan gumikan sa focus military operation ingon man operasyon sa kapuloisan batok mga wanted person.*
