Padayon nga ginabulong sa Iloilo Doctors Hospital (IDH) si Sara SB Secretary James Balsomo alyas Jaguar matapos natiruhan sang nagbatu sa ginkasa nga buy bust operation sang kapulisan las 12:05 kahapon sang udto.
Ginpahayag ni Police Captain Asencion Ortizo, hepe sang Sara PNP nga naka-agum si Jaguar sang 2 ka pilas sa wala nga porsyon sang dughan, isa sa tu-o kag isa sa wala nga butkon.
Na-recover sang mga operatiba ang 13 ka sachets sang suspected shabu bilang buy bust item kag cash nga naglab ot sa P50,000.
Nakuha man sa iya ang 45 cal. pistol kag 38 revolver.
May nakuha man ang SOCO nga itom nga wallet nga may unod nga pito (7) ka sachets sang ginapatihan shabu.
Facebook Comments
