Scammer nga minilyon na ang nakabi sa mga nabiktima, arestado!

Arestado ang isa ka scammer nga nakapangbiktima sang minilyon nga investment sa iya mga natuntuhan matapos ginserbihan sang warrant of arrest sang Mandurriao PNP sa kaso nga estafa.
Ini ang ginkilala kay Noeme Pinuela, 50 anyos residente sang Baras Barotac Nuevo apang subong naga-estar na sa Q-Abeto , Mandurriao kag sekretarya sang isa ka kumpaniya sang taxi.
Suno kay alyas Ana , isa sa nabiktima ni Pinuela, gin-engganyo siya sang suspek nga mag-invest kon sa diin, 80% sang iya investment ang mabalik sa sulod lang sang apat ka semana.

Aminado si Ana nga nagsalig siya gilayon kay pinuela bangud maayo man kuno ang record sini kag miyembro sang isa ka charismatic group.

Ginpahayag ni ana nga sang una, nabalik sa iya ang gin-invest apang sang naglab-ot na sa 450 mil pesos ang investment , gulpi lang nag-untat ang payout kag madamo na lang sang balibad ang suspek.


Suno kay Ana, madamo sila nga natuntuhan ni Pinuela kag may iban pa nga naglab-ot sa isa ka milyon ka pesos ang ila na-invest.

Nagapanawagan karon ang mga biktima sa iban pa nga natuntuhan sang suspek nga magbuligay kag magpasaka sang kaso batok kay Pinuela agud maangkon ang hustisya.

Nahibaluan nga indi magnubo sa 15 milyones pesos ang nakuha sang suspek sa mga biktima.

Preso sa mandurriao police station si Pinuela apang natalana nga magpyansa sang 18 mil pesos subong nga adlaw .

Facebook Comments