School–based tutorial program sa Sarangani Province sundugon sa tulo ka Deped Division

5

Sarangani Province–Nalipay karon ang Department of Education Division of Sarangani gipangunahan ni Schools Division Superintendent Crispin Soliven Jr. tungod kay gipili sa Latter-Day Saints Charities, usa ka world-wide charity foundation, nga ang education initiative sa Sulong Karunungan program ni Governor Steve Chiongbian Solon nga mao ang School-based Tutorial ang sundugon og ipatuman kini sa tulo (3) ka DepEd Division sa Pilipinas gilangkuban sa Naga City sa Bicol Region, Quezon Province sa Region 4, og Zamboanga del Norte sa Region 9.

Ang mga DepEd officials na mismo sa Naga City, Quezon Province og Zamboanga del Norte ang na-surpresa sa ilang pagbisita bag-uhay lang sa Sarangani Province tungod kay nakita matud pa nila ang bag-ong pamaagi sa reading program.

Ang School-based Tutorial Program ang usa sa mga inisyatibo sa Sulong Karunungan program kaabag ang DepEd Sarangani kung diin ginapahigayon gayud sa usa ka school year ang pag-tutor sa mga bata nga naglisod sa pagbasa.

Gibutyag na lamang ni Kenneth Lee, ang program manager sa Latter-Day Saints Charities dinhi sa Pilipinas, nga dili matud pa sila mapul-an isip makanunayon nga partner sa Provincial Government sa Sarangani tungod kay nakita nila nga adunay nindot nga education program ang probinsya. Bisan si Marilyn Owens, usa ka foreigner og maoy area welfare specialist sa Latter-Day Saints Charities, ang nakadayig sa pasyon sa edukasyon ni Governor Solon maong anaa matud pa sila naka-ayuda sa Sarangani Province.

Facebook Comments