Ramon Magsaysay, Zamboanga del Sur – Nag-trending karon sa social media ang usa ka school principal nga nakuhaan og hulagway sa iyang kauban nga magtutudlo samtang nagkadusingot sa pagdaro sa mismong tugkaran sa tulunghaan nga iyang gidumalahan.
Nagkalapok nga nangulo sa Brigada Eskwela 2019 si Sir Desiderio Alquizar-Logdonio ang School Principal lll sa Sapa Anding Agriculture Vocational Technical School – Main Campus sa lungsod sa Ramon Magsaysay, Zamboanga del sur.
Gidayig sa mga netizens si sir Logdonio nga nangunay paghupot sa daro samtang gi-asikaso usab sa mga ginikanan ang uban pang buluhatan sa tulunghaan.
Wala damha sa school principal nga gipistahan na siya sa daghanang pagdayig dihang gi-post sa facebook ang iyang hulagway pinaagi sa co-teacher nga si Mrs. Shirley Bagood.
Mahinumduman nga tak-upan na ugmang adlawa ang kalihukan sa Department of Education nga Brigada Eskwela 2019 nga nagdala sa temang “MATATAG NA BAYAN PARA SA MAUNLAD NA PAARALAN” NGA GISUGDAN NIADTONG LUNES.
KAGAHAPON NAGLUSAD USAB OG BALIK ESKWELA 2019 ANG KADUMALAHAN SA RMN-DXPR PAGADIAN ISIP PAGSUPORTA SA PROGRAMA SA DEPED PINAAGI SA PAGPALIMPYO SA TULUNGHAAN, PAGPANG-APUD-APOD NGADTO SA MGA SNACKS SA MGA GINIKANAN UG ESTUDYANTE DIDTO SA MAN-ILAN ELEMENTARY SCHOOL SAKOP SA LUNGSOD SA TUKURAN NING PROBINSYA.
#DXPRBALIKESKWELA2019
