SDS SOLIVEN NAGPALASAMAT SA MALAMPUSON NGA PAGSAULOG SA IKA-26th DEPED SARANGANI ANNIVERSARY

Mapasalamaton si Sarangani Schools Division Superintendent (SDS) Crispin Soliven Jr. sa malampuson nga pag-selebrar bag-uhay lang sa ika-baynte sais (26) ka tuig nga anibersaryo sa DepEd Sarangani.

Nahimong highlight sa kasaulugan ang nahitabo nga SODA kon State of the Division Address nga naghisgot sa mga accomplishment subay sa 10-point agenda nga gilatag sa DepEd Sarangani niaging tuig.

Segun ni SDS Soliven, niabot sa usa (1) ka oras ug kwarentay-singko (45) minutos ang iyang SODA timaan nga ubay-ubay nga major achievements ang nakab-ot, kana tungod sa lig-on nga partnership sa Department of Education, lokal nga gobyerno gipangunahan ni Governor Steve Chiongbian Solon nga seryoso matud pa sa education program kauban ang pito (7) ka mga mayor, pribadong sektor, mga magtutudlo, mga ginikanan ug uban pang stakeholders sa Sarangani Province.


Padayon matud pa nilang gitutukan ang ginatawag nga mga ā€œlast mile school,ā€ kadtong mga eskwelahan nga anaa sa lagyong dapit. Padayong gipaningkamutan nga mahatag ang mga kakulangan sa magtutudlo, classroom, instructional materials ug ubang pang panginahanglan tungod sa ilang gilay-on.

Daghan na matud pang tulunghaan sa elementarya ang na-convert nahimong integrated school kung diin sayon na lang sa mga estudyante hilabi na ang mga kabataang lumad sa kabukiran nga maka-eskwela sa high school kay dili na sila munaog pa sa sentro sa lungsod.

Nag-awhag na lamang si Soliven nga padayong mu-ayuda ang probinsya, munisipyo ug barangay, sama na lang matud pa sa pagtabang nga ma-tituluhan ang mga school site. Sulod sa usa (1) ka tuig, siyam (9) na kabuok ang ilang napa-tituluhan nga eskwelahan itandi kaniadto nga walo (8) lang ang napa-tituluhan sulod sa pipila ka tuig.

Malipayon pud niining gibalita nga sa tibuok Rehiyo Dose, ang DepEd Sarangani ang daghan ang na-reclassify nga mga posisyon hinungdan nga daghan ang na-promote gikan sa pagka-Teacher I padulong sa Teacher II, Teacher III ug Master Teacher.

Gidayig ni SDS Soliven ang pagtinabangay sa DepEd Sarangani ug sa probinsya hilabi na sa hisgutan nga reading program. Gina-kopya na matud pa sa ubang DepEd division sa Pilipinas ang all year round school-based tutoring program sa DepEd Sarangani sa pag-ayuda sa Sulong Karunungan program ug sa global charity organization nga Latter-day Saints Charities.

Sa bag-ong meeting sa Provincial School Board kauban si Governor Solon, gitagaan og prayoridad sa Special Education Fund ang para sa water system sa mga eskwelahan sa Sarangani, muabot ang proposed budget og Baynte Milyones ka pesos (P20M), wala pay apil ang nagpadayon nga pagpasemento sa mga provincial road nga maka-benipisyo ang mga tulunghaan.

Daghang kalingawan ang nahitabo sa maong 2019 DepEd Sarangani Anniversary, sa pagsuporta usab nila Senador Manny ug Congressman Ruel Pacquiao. Present sila Vice Governor Elmer De Peralta, DepEd Regional Director Allan Farnazo, ang Governorā€™s Commission on Education ni Governor Solon, ug uban pang provincial-municipal officials, sama nila Board Members Jess BascuƱa, Rosemarie Sayo, George Falgui, Russel Jamora, Arman Guili ug Benjamin Donato, ug sila Malungon Mayor Tessa Constantino, Maitum Vice Mayor Tito Balazon, Kiamba Councilor Bobot Martinez, ug daghan pa.

Facebook Comments