Seafood inspired nga face mask, makita sa banwa sang Ilog

15

Nangin mahalong kag maid-id ang tagsa ka mga local government units sa probinsya sang Negros Occidental sa pagpatuman sini sang mga health protocols agud matapna ang paglapta sang coronavirus disease.

Wala untat ang pahanumdum sang gobierno sa mga LGUs nga estrikto ipatuman ang physical distancing, masami nga paghugas sang kamot kag ilabi na ang pagsuksok sang face mask.


May mga pumuluyo nga indi pa makasaho mag-gamit sang face mask apang wala sila sang may mahimo kundi magsunod sa ginatawag nga new normal.

Angut sini, ang banwa sang Ilog nakapamensar sang pinasahe nga aktibidad agud mangin maka-lilingaw ang pag-usar sang face mask.

Bulan sang Abril gin-lunsar sang banwa ang isa ka Creative and Artistic Face Mask Competition sa pagpanguna ni Sangguniang Bayan Member Mark John Vargas.

Diri kag nagtuhaw ang pagka-artistic sang mga Ilognon kon diin nakahuman sila sang face mask nga inspired sa seafood nga diri naman kilala ang banwa partikular ang ila manamit kag matam-is nga talaba.

Suno kay SB Member Vargas ang entry nga Alimango inspired nga face mask amo ang naka-kuha sang first prize samtang nagpangaduha naman ang Talaba inspired nga face mask.




Nagdaug sa amo nga kompetisyon si Joseph Arañas sa diin nakabaton ini sang cash prize kag 10 ka kilo nga bugas.

Ginpahayag ni Vargas nga daku ang nabulig sang amo nga aktibidad sa pag-promote sang turismo sang banwa sang Ilog.

[image: image.png] [image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments