Seaman nga nag hostage sa iya nga iloy sa syudad sang Victorias, arestado

Matapos ang lima ka oras nga hostage drama sa Magsaysay St, Brgy. 4, Victorias City kagab-i, prisuhan ang tupa sang 39-anyos nga seaman.

Priso na karun sa Victorias City Police Station ang suspek nga si Andrew Grecia, 39-anyos matapos nga gin-hostage sini ang iya iloy nga si Luisa, 73, sa sulod sang ila balay.

Matapos ang kapin lima ka oras nga negosasyon sang kapulisan, nagsurrender na man lang ini mga las-11:30 sang gab-i.


Apang antes pa man nag-surrender, nakapalagyo na ang iloy sa iya nga bata.

Sang ginsulod sang kapulisan ang balay, nakuhaan ang suspek sang isa ka sachet sang suspected shabu kag anom pa ka bukas nga plastic sachet kag isa ka armas.

Sa interview sang DYHB sa imbestigador sa kaso nga si Police Staff Sergeant Ryan Hechanova, ginpahayag sini nga kilala man gid nga drug user ang suspek.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments