Seaman sakay sa international vessel, nawala samtang naa sa lawod sa Laguindingan, Misamis Oriental

Imbestigahan sa Philippine Coast Guard ug Maritime Police karong adlawa ang pagkawala sa usa ka seaman nga taga Barangay Bugo ning syudad sa Cagayan de Oro.

 

Matud sa mga otoridad nga karong adlawa, sudlon na nila ang International vessel nga Grande Progreso aron mohimo sa search sa maong barko.

 

Ang biktima nailang si Dominador Fuentes, 33 anyos nga taga Zone 2, Barangay Bugo.


 

Nasayran nga gikan sa Brazil ang maong barko ug paingon sa Philippine Sinter Corp. sa Villanueva Misamis Oriental apan dili pa maka dock ang maong barko busa naa pa kini sa kadagatan sa Laguindingan, Misamis Oriental niadtong Enero 15.

 

Mga alas 5:50 sa hapon sa dihang nakadawat ang misis sa biktima sa tawag gikan sa kapitan sa barko nga si Benedict Goecolango nga nawala ang iyang mister.

 

Tungod niini, naghimo ang mga otoridad sa pagsusi sa babayon sa Misamis Oriental apan pakyas kining makita ang lawas sa biktima.

 

Karong alas 10 sa buntag, naa sa baybayon sa Villanueva, Misamis Oriental ang maong barko busa mohimo sa pagsusi ang otoridad sulod sa barko dala ang mga K-9 ug mga imbestigador sa Coast Guard ug Maritime Police.

 

Facebook Comments