Second batch sang mga LSIs kag ROF nga nag-abot sa rehiyon dose paagi sa Hatid Tulong Program, naglab-ot sa 760.

Nagalab-ot sa 760 ka mga locally stranded individual’s kag returning overseas Filipinos ang nag-abot sa rehiyon dose sang Hulyo 28 sakay sa 23 ka mga buses base sa datos sang Department of Interior and Local Government ukon DILG 12.
Ang nasambit nga numero sang mga LSIs kag ROFs ang nalakip sa second batch sang Hatid Tulong program sang national government sa tunga sang COVID-19 pandemic.
Suno kay DILG 12 Information Officer Arthur Condes base sa ila datos 184 ang taga-South Cotabato, Cotabato province-121, Saranggni -142, Sultan Kudarat -71, General Santos City -104, Cotabato City -22, BARMM -110 kag 3 ka mga nagtalang nga taga Lanao, Pangasinan kag Maguindanao.
Samtang may 3 man nga taga-region 12 nga sa Caraga nadala nga taga – Gensan, Lutayan, kag Lambayong. Samtang ang mga LSI`s kag ROF nga nagtalang ang tungod sa mis-declration sa ila nga official nga address nga ginacoordinate na agud makapauli sa tagsa sini ka mga lugar ukon sa rehiyon.
Ginkumpirmar man ni Condes nga ang mga nag-abot nga LSI`s kag ROF sa rehiyon ang ginrefer sa tagsa sini ka mga LGU`s para sa 14 days quarantine matapos nga nasikyar ang ila medical status.
Samtang suno kay Condes ila ginalauman nga may-yara pa sang masunod nga batch sang mga LSIs kag ROF ang magaabot sa rehiyon dose paagi sa Hatid Tulong Program.
photo by: DILG 12

Facebook Comments