Davao City- Patay ang biktima nga mao si Maljomar Maurillo, 25 anyos, usa ka private guard nga taga- Basak Mintal Tugbok District Davao City human dunggaba sa wala pa mailhing suspek alas onse sa kagabhion.
Sa blotter sa Talomo PNP samtang nag inom ang biktima kauban ang iyang mga higala sa Bangkal Davao City, kalit lamang silang gihagit sa laing grupo og sinumbagay.
Gigukod sa biktima ug sundang ang mga suspek nga nanghagit bitbit ang sundang apan pagbalik pa niini nagkadugo na ug adunay samad dinunggaban sa iyang tangkugo.
Nalup-og ang biktima hangtud nga namatay ug wala na matabang sa mga personahe sa medical team sa Central 911.
Kapulisan naka recover sa crime scene og sundang ingon man kutsilyo samtang mga suspetsado wala na maabti sa mga otoridad.
Patay nga lawas sa biktima anaa sa Collado Funeral parlor.
Kasamang Erin Lumosbog
