Segunda-vez

11

Por segunda-vez ya saca ya tambien atencion del publico y maga otoridad si Jomarie Eugenio, 21, de Guisao despues este ya man taclas ya tambien na torre del NGCP.
Alas 2 del tarde ayer cuando cargando le consu knapsack que ta contene panabit, cuchilyo amaro y ropa ya subi ya tamen na torre del NGCP y este vez na Sitio Buenagatas, Boalan.
Asegun con el primo di Eugenio si Jomar Lazareno, ya man cuento pa sila na cellphone cuando talya ya na punta del torre si Eugenio.
Ya entabla dayun si Lazareno na lugar donde monton ya maga hente ta mira consu primo si Eugenio ariba del torre.
Ya amara pa le su fescueso de nylon amaro mientras el punta ya amara tambien le na torre.
Dayun tambien ya responde el maga miembro del BFP junto conel SRU ta encabesa si Atty. Jufel Brañanola.
Ya tene que negocia si Lazareno consu primo hasta ya buta le primero su panabit y ulihi su cuchilyo y tambien su backpack.
Serca 4 hora ya alcansa mientras ta subi maga rescuer na torre para man rescue con Eugenio pero ele mismo ya hace encuentro y ya abaha.
Junto ya si Eugenio y el 3 rescuer ya llega abaho.
Dayun ya lleva na hospital con Eugenio muntao na ambulancia.
Semehante tambien cosa le ya hace del maga semana pasao na Guisao.

Facebook Comments

From Advertisers