Seguridad sa Davao bus stops gipahugtan

25

Davao City – Dugang baynte (20) ka mga personahe sa Task Force Davao (TFD) ang gi-deploy sa kinse (15) ka bus stops sa dakbayan.

Kini human sa nahitabong pagpambomba sa usa ka bus stop sa Tulunan, North Cotabato niadtong Enero 27, 2021.


Sa interbyu sa DXDC RMN Davao kang Major Ronel Legarde, TFD Spokesperson, gibutyag niini nga ang maong security forces ang magbantay sa authorized bus stops sa syudad aron nga masiguradong walay nahibiling gamit ug ma-check ang mga ginadalang bagahe sa pasahero nga posibleng hulga sa seguridad sa Davaoeños.

“To assure na ‘yung ating mga backpack at ‘yung iba pang mga posibilidad na paglagyan ng mga improvised explosive device (IED) ay ma-clear natin. Ginagawa natin ito para sa safety ng ating family at safety ang lahat ng travelers dito sa atin sa Davao,” pagpasabot ni Legarde.

Panawagan sa tigpamba sa TFD ngadto sa katawhan nga dili magpasagad og bilin og gamit bisan asa diin posible kining muhatud og panic sa publiko.

Dugang niini, angay nga kanunayng batasanon ang ‘Culture of Security’ sa syudad sa Davao nga usa ka anti-terrorism campaign diin responsibilidad sa Davaoeños nga mo-report sa mga kadudahang butang ug indibidwal sa palibot nga posibleng hulga sa seguridad.




RadyoMaN Kirby Manzon

Facebook Comments