Seguridad sa DCOTT gi-intensify

Davao City- Pila na lamang ka semana una ang Kalag-kalag naka-intensify na ang seguridad sa Davao Overland Transport Terminal kun DCOTT.

Sa interbyu sa DXDC kang DCOTT manager Aiza Usop, gibutyag niini nga imuntar nila karong semanaha ang duha ka mga walkthrough scanner machines sa terminal aron mas mapadali ang pag-inspect sa mga tao ug kagamitan nga musulod sa terminal.

Gawas sa mga security guards, kapulisan ug mga personahe sa Task Force Davao, ang Public Safety and Security Command Center nitabang na usab og pagbantay aron maseguro nga covered tanan ang seguridad sa DCOTT.


Matud ni Usop, dakong tabang ang CCTV cameras nga gimuntar sulod sa terminal ug sa pipila ka mga bus aron marekord ang adlaw-adlaw nga aktibidad sa sulod o gawas man sa terminal, sa ingon niini kung adunay mga panghitabo matabangan ang mga kapulisan diha sa pagsolbad sa krimen.

RadyoMan Aimee Guinita

Facebook Comments