Seguridad sa Maximum Security Zone areas sa Davao mas gipahugtan

37

Davao City – Gipalig-on sa Task Force Davao ( TFD) ang seguridad sa San Pedro Square ug Roxas Avenue nga gikonsiderang Maximum Security Zone (MSZ) sa syudad sa Davao human sa nahitabong twin bombings sa Jolo, Sulu nga nikalas og daghang mga kinabuhi sa mga tropa sa gobyerno ug sibilyan.

Sa interview sa DXDC RMN Davao kang TFD commander Col. Consolito Yecla, ilawom sa security zone, regulated ang maka-park sa maong mga areas sama sa mga motorseklo nga adunay designated parking areas, aron masegurong dili kini mabutangan og mga explosive devices.

Subling gipahinumdum ni Yecla sa mga motorista nga adunay multa nga P500 ngadto sa P2,000 ang mga illegal nga mag-parking sa mga crowded areas.

Istrekto gihapong ipatuman ang ‘No backpack policy, No Jacket Policy, ug hugot nga inspection usab sa mga checkpoints sulod sa curtained cubicle sa mga nagsul-ob og mga robe-like dresses.

“Sa ngayon in coordination with intelligence units outside Davao City wala naman tayong na-receive na direct threat but we are not lowering our guards,” sumala ni Yecla.

Panawagan ni Yecla sa publiko nga i-adopt ang culture of security pinaagi sa pag-igmat ug i-report sa mga awtoridad ang mga kadudahang lihok sa mga tawo ug butang sa palibot.

RadyoMaN Aimee Guinita




Facebook Comments