Pagadian City – Mopakatag og igong ihap sa kapulisan ang Pagadian City Police Station atol sa pagsugod sa ‘Misa de Gallo’ karong Disyembre 16.
Segun ni Police Lt. Col. Alvin Saguban nga andam na sila diha sa pagpatuman sa hugot nga seguridad sa mga kasimbahanan dinhi sa syudad sa Pagadian.
Tungod sa pagdasok sa mga tawo nga manimba atol sa ‘Simbang Gabi,’ gipangandaman na sa PNP ang pagsi-aw sa mga dautang elemento.
Gipahimangnoan ni Saguban ang tanan nga mag-doble igmat aron dili usab mabiktima sa mga kawatan o mga mangunguot.
Adunay mga Police Assistance Desks nga i-montar sa nagkadaiyang simbahan alang sa mga concerns sa publiko.
Gidugang ni Saguban angay usab nga magpakabana ang matag usa kay ang seguridad dili lang sa PNP ug AFP alang usab sa tanang pagadianon.
