Seguridad sa Tagum dakong hagit sa gamay’ng ihap sa kapolisan

Tagum City – Gi-improbar sa Tagum City Police Office ang ilang estratehiya aron mapugngan ang mga pagpamusil sa ilang lugar.

Sa interbyu sa DXDC RMN Davao kang Police Lt. Col. Jed Clamor, Tagum City Police Acting Station Commander, dakong hagit karon alang sa gamay’ng lang ihap sa kapolisan aron i-secure ang dakong lugar sa mga strategic points sa dakbayan sa Tagum.

“ Nag-adjust ko og deployment sa akong mga tawo, gibawasan nako akong mga personnel sa opisina more on sa field ta, daghan ta’g deployment sa field. Gidaghan nako akong mga checkpoint operations. Bisan pa dako na ang percentage sa field pero kulang gyod atong mga tao,”


Matud sa hepe anaa sa 1 – 2,000 nga ratio sa pulis sa populasyon sa ilang syudad.

Gipasabot niini, dugay na silang nag-request sa dugang mga pulis sa ilang lugar aron mapugngan ang mga krimen. Samtang, gibutyag ni Clamor gipalawman pa nila ang pagsusi sa mga kaso sa shooting incidents nga nahitabo sa Tagum diin ang mga suspek nagpabilin gawasnon karong panahona.

RadyoMaN Aimee Guinita

Facebook Comments