ILOILO City – Nagsugod na sa pagdeploy ang Iloilo City Police Office (ICPO) sang kabug-usan nga 480 ka kapulisan lakip na ang 208 ka force multipliers.
Suno kay ICPO Operations Head Supt. Jowel Saliba nagsugod ang deployment sadtong Lunes bilang kabahin sang security operations subong nga holy week kag oplan summer vacation ukon SumVac.
Ginpahayag ni Saliva nga igadeploy ang pwersa sa mga matawo nga lugar para sa dugang nga police visibility kaangay sang transport hubs, simbahan, merkado, malls, parks, kag mga tourist destinations sa syudad sang Iloilo.
May ipahamtang man nga police assistance desk agud magbulig sa publiko sa ti-on sang emergency.
Ang SumVac magalawig tubtob sa Hunyo sa pagbukas sang klase.
Photo via Pulis serbisyo Publiko
Facebook Comments
