BACOLOD CITY – Security guard sang isa ka ospital diri sa ciudad sang Bacolod ang gintiro may mga la 1:50 kahapon sang hapon sa kilid sang Redemptorist Church sa Brgy. 5, Bacolod City.
Ginkilala ang biktima nga si Rolando Herdon Jr., 44 anyos, kasado kag pumuluyo sang Sitio Balogo, Brgy. Alangilan, Bacolod City kag isa ka security personnel sang isa ka private hospital diri sa ciudad sang Bacolod.
Suno sa imbestigasyon, ang biktima sakay sang iya motor sang ini ang gin-tuparan sang suspek nga nagasakay man sa motor kag gintiro nga “close range.”
Ginpahayag nga bisan pa nga may pilas na nahimo pa sang biktima nga maka-drive sang iya motor pakadto sa opsital agud magpabulong.
Na-recover sa crime scene ang duha ka empty shell sang calibre .45 nga armas./dyHB BACOLOD
