Dumalinao, Zamboanga del Sur – Tangong karon sa selda sa Dumalinao Municipal Police Station ang 39 anyos nga mag-uuma nga maoy gitudlong responsable sa pagpusil sa usa ka security guard niadtong adlaw nga biyernis sa Purok 2, Barangay Rebokon, Dumalinao, Zamboanga del Sur partikyular sa Gymnasium sa Rebokon Agricultural and Vocational National High School.
Gikatakda nga pasakaan og reklamo karong adlawa ang suspek nga si Ruel Egang Bungabong, residente sa Purok 1, Barangay Uno, Barangay Rebokon, Dumalinao human nasapon sa kapulisan nga maoy suspek sa pagpusil kang Ronald Donting Adorable, 36 anyos security guard of Rebokon Agricultural and Vocational National High School.
Sumala ni Police Major Edison Alviar, padayon usab nga nag-paalim sa iyang samad pinusilan ang biktima ng Zamboanga del Sur Medical Center, Barangay Dao, Pagadian City dihang nakahiagom sa iyang samad pinusilan sa lain-laing parte sa lawas.
Gisuta pa sa otoridad ang motibo sa pagpamusil.
