Sekyu sa Tugbok gipusil-patay

Davao City – Patay ang usa ka security guard human pusila sa walo ka mga tawo sa Sitio Banarao Barangay Talandang Tugbok District, Davao City, alas 7:30 sa kabuntagon.

Ang biktima mao si Eduardo Manguiran, 58 anyos, nagpuyo sa nahisgutang dapit kansang nakatagamtam og daghang samad pinusilan nga maoy hinungdan sa iyang kamatayon.

Sa inbestigasyon sa Tugbok PNP, nakita sa anak sa biktima nga giduol sa walo ka mga armadong lalake ang iyang amahan ug sa walay daghan pangutana kalit kining gipusil.


Gidala sa mga suspek ang bag sa biktima dayong sibat sa wala na matino nga direksyon.

Narekober sa crime scene ang mga basiyo sa .45 kalibre nga pistola samtang patay nga lawas sa biktima gidala sa Angel Funeral Homes sa Calinan.

RadyoMaN Erin Lumosbog

Facebook Comments