Selebrasyon sa pasko ug bag-ong tuig sa Gensan, malinawon

General Santos City– Hapsay ug malinawon ang selebrasyon sa pasko ug pagsugat sa bag-ong tuig dinhi sa Gensan niadtong milabay nga mga adlaw, kini human nga walay natalang unsa mang dagko nga panghitabo sa syudad.

Sumala pa ni Police Sr. Supt. Raul Supiter, City PNP Director sa Gensan City Police Office nga nalipay siya sa gipakita nga pagpaninglamot sa iyang mga sakop ingon man ang ilahang counterpart nga mao ang Joint Task Force Gensan ug mga force multiplier nga nag tinabangay aron nga mamahimong hapsay ang selebrasyon sa matag Generals.

Gikalipay man usab niini nga walay bisan usa ka pulis sa syudad ang na-involve sa pag-pabuito sa ilang mga armas niadtong pagsugat sa bag-ong tuig, pasabot lang kini nga nagpabiling didiplinado ang iyahang mga sakop.(Dave Silagan)


Facebook Comments