General Santos City—Gikuhaan na og DNA sample ang kinatawo ingon ang man ang ubang parte sa lawas sa 8 anyos nga batang babaye nga napalgang patay niadtong milabayng adlaw sa usa ka bakanteng lote sa gawas sa MSU Tamber Barangay Fatima.
Kini ang gibutyag sa mga personahe sa Scene of the Crime Operatives kon SOCO Gensan sa pakighinabi sa RMN Gensan. Matud pa sa SOCO nga ang mga nakuhang spicemen ang gikan sa patayng lawas sa biktimang giilang si Mary Legaspi Agustin, residente sa Purok 17-A FVR Village Barangay Fatima.
Dugang pa nga pagadad-on matud pa sa Kampo Crame Manila ang mga naKUHANG samples specimen aron didto kompermahon kung ang bata nga 8 anyos ang nalugusan ba o wala.
Apan luyo niini nakakuha ang mga operatiba sa SOCO og mga semilya sa usa ka lalaki gikan sa kinatawo hangtod na sa samput sa bata. Sa pagkakaron huwaton na lamang sa SOCO ang resulta nga ipagula sa gihimong pagproseso sa DNA test.
Apan una ng namahayag ang Fatima Police Station nga maoy miimbestiga sa maong kaso nga una ng giadmitar sa suspek nga si Mark Engkong, 27 anyos, baker, residente gihapon sa maong dapit sa nahimong niining pagpanglugos sa 8 anyos nga bata.
Kahinumduman nga uwahing nakit-an ang bata kaniadtong Nobyembre 9 sa gabie kung asa si Mark Engkong ang uwahing kauban sa bata una pa man kining nakaplagang patay sa sagbutang bahin sa ransohan nga nahimutang sa Barangay Fatima.
Sa kasamtangan balhog karon sa silda sa Fatima Police Station si Engkon nga miangkon nga siya ang milugos sa bata apan nanghimakak nga siya ang mipatay usab. (Amir Bariquit)
