Senador JV Ejercito ,misulod sa kanhi main battle area sa Marawi; Mibisita sa Amai Pakpak Medical Center; Mihatag ug Usa ka Milyon Pesos nga donasyon

MARAWI CITY – Nahidangat  si  Sen.JV  Ejercito  sa  MarawiCity  niadtong  Sabado,   aron  bisitahon ang  Amai  Pakpak  Medical Center  ug i-turn  over ang  usa ka  milyonka  pesos nga  donasyon gikan  sa  lokalnga kagamhanan  sa San Juan, diin  ang inahan sa senador  ang mayor.
 
Sa iyang unang  pagtungtong sa Marawi  sukad nga mibusikad ang giyera batok sa mgateroristang  ISIS-Maute, mideretso  si Ejercito sa  Kampo Ranao sa 103rd Infantry Brigade aronmakigsalo og pani-udto sa mga sundalo pinaagi sa boodle fight.
 
Gilayon  kini nga mibisita sa Amai Pakpak MedicalCenter aron tan-awon ang mga gikinahanglan sa nasangpit nga tambalanan.
 
Matud pa sa senador, isipcommittee chairman on health sa senado, gikinahanglan niyang makit-an sapersonal ang nasangpit nga hospital aron mahimo nila ang amendments sa proposedannual budget for 2018, kung gikinahanglan.
 
Gikan sa Amai  Pakpak, midalikyat ang senador sa kanhi mainbattle area, nga karon gitawag sa militar og most affected area, apan wala nakini minaug sa sakyanan tungod sa kusog nga ulan.
 
Si Marawi City Mayor MajulGandamra ang midawat sa usa ka milyon ka pesos nga cheque nga donasyon sa SanJuan City. Sa opisina ni Gandamra sa city hall gihimo ang turn-over.
 
Matud pa ni Gandamra, gamiton  ang nasangpit nga kuwarta alang sa mga panginahanglanon sa mga residente kinsanamalik na sa ilang tagsa-tagsa ka mga pinuy-anan, sama sa pagkaon.
 
Tan-awon pa unta ni Ejercitoang temporary relocation site sa Barangay Sagongsongan  apan  tungod  sa kusog nga ulan,  mideretso na kini sa Iligan City aron  tambungan ang multi-stakeholders  forum on  housing sa mga  taga-Marawi  diin siya ang gidapit  nga guest speaker.
 
Si Senador  Ejercito mao usab ang committee  chairman on urban planning and housing sasenado. (Divina M. Suson)
 

Facebook Comments