Senior citizen biktima sang hit and run sa Banga, South Cotabato.

Pilason ang isa ka senior citizen, matapos nga ma-hit and run sa National Highway, Crossing Malaya, Brgy. San Vicente, Banga, South Cotabato, pasado alas 6:00 kagab-i, Mayo 17,2021.
Ginkilala ang biktima kay Hernani Peñaredondo Larida , 63 –anyos kag residente sang Prk. Mahirup, Brgy. Malaya sa nasambit nga banwa.
Sa imbestigasyon sang Banga MPS, samtang nagatabok ang biktima gamit ang pedestrian lane sang sideswipe ini sang 1 ka Hilux pick-up, color gray nga padulong sa Koronadal City.
Naigo ang biktima sang tuo nga side mirror sang nasambit nga salakyan kabangdanan nga natumba ang biktima kag nakaangkon sang bali sa parte nga bahin sang iya nga tiil nga gilayon naman nga gindala sa ospital.
Padayon naman ang imbestigasyon sang Banga MPS sa posible pagkilala sa driver kag tag-iya sang nasambit nga salakyan.

Facebook Comments