Senior citizen gipusil-patay

32

Davao City – Blangko pa ang kapulisan sa Carmen, Davao del Norte sa motibo sa pagpusil-patay sa usa ka senior citizen alas-5:00 sa buntag kagahapong adlawa Oktobre 18, 2021 sa Purok 2-A, Barangay Ising, Carmen, Davao del Norte.

Sa interbyu sa RMN Davao giila ni Police Major Jay Nocidal, Carmen Police Station Station Commander ang biktima nga taga-Panabo City, Davao del Norte nga si Alfredo Bernardo, 64 anyos ug nagtrabaho isip usa ka caretaker sa lot area sa Carmen, Davao del Norte.

Sumala ni Nocidal,gisundan ang biktima samtang gabaktas pa-highway ug kalit kining gipusil.


“Hindi pa namin makita ang anggulo kung bakit kailangang patayin ang biktima kasi may edad na, dini-dig up pa namin ang mga possible angle kung may previous record ba,” matud niini.

Dead on the spot ang biktima human makahiagom og mga pinusilan sa dughan ug sa ulo niini.

Matud sa hepe anaa sa duha ka mga unidentified suspek nga nakamotor ang ilahang ginalantaw nga nipatay sa biktima.



Narekober sa SOCO sa crime scene ang nahibiling Magazine sa .45 nga pistola nga gigamit sa mga suspek ug mga basyo sa bala.

Gibutyag ni Nocidal, nangalap usab sila’g mga posibleng mga saksi sa krimen ug cctv footage nga nakakuha sa mga nisibat nga mga suspetsado.


RadyoMaN Aimee Guinita

Facebook Comments