Davao City-Mireport sa kapolisan sa Sta.Ana ang biktima nga si Aurora Celeste Dalumpines, 73 anyos, nagpuyo sa Palm Village, Barangay 19-B, Bajada syudad sa Davao, human nakuhaan sa iyang alahas ug salapi pinaagi sa pag hypnotized kaniya sa suspetsado.
Sumala sa sumbong sa biktima, alas 10:00 kagahapon sa buntag samtang nagpalit siya og tambal sa usa ka pharmacy sa Bajada , usa ka babayi ang miduol kaniya kauban ang usa ka lalaki nga nagmando kaniya sa pagsakay sa nakaparking nga sakyanan.
Samtang didto na siya sa sulod sa sakyanan, gilayong gipalarga ang sakyanan ug naglibot-libot lang sa maong lugar ug didto gihinay-hinayan sa pagkuha ang iyang salapi, alahas ug gadgets nga mikantidad tanan sa 80 mil pesos.
Human makuha sa mga suspek, gilayon siyang gipakanaug sa hilit nga lugar sa Cabaguio Avenue ning syudad ug dayon misibat ang mga suspetsado.
Kapolisan sa Sta.Ana, padayon pang nag-imbestiga sa maong insidente.
Kasamang Paul Canono
